Isabela State University

FLIPINO FIL1

Hulyo 4, 1954 A.D. NI Dionisio Salazar DULANG UNANG NAGKAMIT NG GANTIMPALA SA TIMPALAK – PALANCA (1953-1954) Sinimulan noong (1953-1954) ng Timpalak – Palanca ang pagpili sa pinakamahusay na dula – at ang nagwagi ng unang gantimpala ay Hulyo 4, 1954 A.D. ni Dionisio Salazar. Ang dulang ito ay naglalahad ng pagsasagawa ng isang mapanganib at madugong misyon ng Hukbong Mapagpalaya ng Bayan (HMB) na ibinagsak ang pamahalaang Pilipino noong panahon ni Pangulong Magsaysay. Mga Tauhan: Pablo ……………… Ang “nagbalik-loob” Loida ……………… Kasintahan ni Pablo Kintin …………….. Ang kanilang pinuno Islaw ……………… Ang “bata” ni Kintin Koronel Santos ……… Isang opisyal ng NBI Isang pulis, at ilang ekstrang babae at lalaki. Panahon: Gabi ng Hulyo 3, 1954 Lunan: Lumang Luneta Sa pagbubukas ng tabing ay makikita sa may gawing likod ng tanghalan, dakong kanan, ang dalawangkatlong bahagi ng bantayog ni Rizal. Sa may gitna naman ng tanghalan ay namamalas ang isang malagong puno ng adelpa. May isang mahabang upuan sa tabi nito. Walang anu-ano’y darating buhat sa gawing kanan si Pablo at si Loida. Si Pablo, na bago pa lamang tumutuntong sa 25 taon, ay mataas, malapad ang sukob at madulas ang pangangatawan. Mukha siyang matalino at matapang … Bilugan ang kanyang mukha at ang kanyang malagong buhok ay nahahati sa gawing kanan. Kaki ang kanyang pantalon at kulay – kumot ang suot niyang diyaket. Pangkaraniwan ang taas ni Loida. Ang kanyang balingkinitang katawan ay may kaakit-akit na hubog. Kulot ang kanyang putol na buhok. Malamig ang kanyang tinig at wala rito ang katigasang dapat asahan sa isang “amazona”. Mapamihag ang kanyang ngiti at may halina ang kanyang titig. Dalawampu’t dalawang taon na siya. Masigla ang kanyang kilos at magiliw siyang mangusap. Sa suot niyang kamisadentrong panlalaki at “pedal – pusher” na maong ay wala siyang iniwan sa isang “tomboy.” Palinga – linga silang dalawa na tila may hinahanap . Pagtapat sa may puno ng adelpa ay titigil sila. Pablo: Natitiyak mo ba, Loida na sa lugar na ito tayo magtatagpo? Loida: Oo, dito sa isa sa mga pu